Ջո Բայդենը հաղթել է ԱՄՆ նախագահական ընտրություններում՝ դառնալով Միացյալ Նահանգների 46-րդ նախագահը: Այս մասին հայտնում է CNN-ը:
Ըստ աղբյուրի՝ Ջո Բայդենը հաղթել է Փենսիլվանիայում՝ ստանալով 20 ընտրիչի ձայն: Նա այժմ ունի 273 ընտրիչի ձայն։ Նշենք, որ ԱՄՆ նախագահ դառնալու համար անհրաժեշտ էր հավաքել 270 ընտրիչի ձայն։
Բայդենն ավելի քան 73 միլիոն ձայն է հավաքել, ինչը ԱՄՆ-ի համար պատմական ցուցանիշ է համարվում: Դոնալդ Թրամփը հավաքել է մոտ 70 միլիոն ձայն և 213 ընտրիչի ձայն:
