Բելգիայի ֆլամանդական խորհրդարանը միաձայն բանաձև է ընդունել, որում ամրագրվել է Արցախի բնակչության նկատմամբ միջազգային մարդասիրական իրավունքի խախտում։
Բանաձևում արված են մի շարք կարևոր շեշտադրումներ,․
Հոկտեմբերի 12-ին հրադադարի շուրջ ձեռքբերված համաձայնությունը խախտվել է Ստեփանակերտի ռմբակոծությամբ՝ հետևաբար Ադրբեջանի կողմից։
Ամենաշատը տուժել են Արցախի բնակիչներն։ Ադրբեջանը խախտում է միջազգային մարդասիրական իրավունքը։
Թուրքիայի գեոքաղաքական հետաքրքրությունները՝ որպես Ադրբեջանի դաշնակից, սպառնում են ապակայունացնել իրավիճակը տարածաշրջանում։
Հազարավոր սիրիացի ահաբեկիչներ մասնակցում են պատերազմական գործողություններին՝ թուրքական ռազմական կազամկերպությունների միջոցով։
Բանաձևում հստակ արտացոլված է հակամարտության պատմական ենթատեքստը՝ մասնավորապես նշված է․
1921 թվականին մեծամասամբ հայերով բնակեցված Լեռնային Ղարաբաղը հանձնվեց Սովետական Ադրբեջանին։
1989 թվականին Լեռնային Ղարաբաղի ավտոնոմ մարզը խնդրանքով դիմեց ԽՍՀՄ-ին՝ միավորվել սովետական հայերի հետ, սակայն մերժում ստացավ։
1991 թվականի սեպտեմբերի 2-ին Լեռնային Ղարաբաղը հայտարարեց իր անկախության մասին։
Խաղաղ բանակցություններն ընթանում են ԵԱՀԿ Մինսկի խմբի հովանու ներքո։
Արցախն ինքնիշխան է, 2017 թվականին էլ Լեռնային Ղարաբաղի Հանրապետությունն ընդունեց Արցախի Հանրապետություն անվանումը։
