Search
Close this search box.

Համավարակի թվեր աճի հետ կապված կփակվե՞ն դպրոցները. նախարարը այցելել է դպրոց

ԿԳՄՍ նախարար Արայիկ Հարությունյանն այսօր այցելել է Ստեփան Զորյանի անվան թիվ 56 դպրոցում:

«Համավարակային կանոնները պահելու առումով արձանագրեցի բավականին լավ պատկեր, ինչը թույլ է տալիս մեզ հույս հայտնել, որ թեպետ համավարակի թվերը սկսել են աճել, մենք կկարողանանք համակարգը պահել վերահսկելի վիճակում ու զերծ մնալ դպրոցները փակելուց:

Դրա համար առավել քան երբևէ անհրաժեշտ է խստագույնս պահել կանոնները՝ դիմակ, սոցիալական հեռավորություն և ախտահանում: Դպրոցների ղեկավարությանը և ուսուցիչներին ցանկանում եմ շնորհակալություն հայտնել, կազմակերպումը շատ տեղերում գտնվում է բարձր մակարդակի վրա: Ապրեք»,- ֆեյսբուքյան էջում գրել է նախարարը: