Ադրբեջանական կողմը հայտարարություն է տարածել, իբր երեկ ժամը 23:13-ին հայկական անօդաչու սարք են խոցել: Այս մասին հայտնում է ռուսական Ինտերֆաքս գործակալությունը:
Այն, որ սա հորինված պատմություն է, կարելի է հասկանալ հենց ադրբեջանական հայտարարությունից: Բանն այն է, որ հարևան երկրում անգամ երևակայությունը չի բավականացրել ինչ-որ հորինված լուսանկարներ հրապարակելու համար և հայտարարության մեջ նշվում է, թե աշխատանքներ են տարվում «ոչնչացված անօդաչուն» հայտնաբերելու ուղղությամբ:
Analitik.am-ի հետ զրույցում ՀՀ ՊՆ խոսնակ Շուշան Ստեփանյանը շատ կարճ մեկնաբանեց ադրբեջանական կեղծ հայտարարությանը. «Հերթական անգամ ցանկալին փորձում են ներկայացնել որպես իրականություն»,-նշեց նա:
