Բելառուսի նախագահ Ալեքսանդր Լուկաշենկոյի ծննդյան կապակցությամբ Մոսկվայում հանրապետության դեսնապատան հարեւանությամբ կտեղադրվի ծաղկեպսակ։ Այդ մասին Facebook-ում հայտարարել է մեդիամենեջեր, Sports.ru պորտալի հիմնադիր Դմիտրի Նավոշան՝ հրապարակելով «նվերի» լուսանկարը։
«Ահա այսպիսի ծաղկեպսակ կտեղադրեն այսօր մոսկվայաբնակ բելառուսները Բելառուսի դեսպանատան հարեւանությամբ բռնակալի ծննդյան կապակցությամբ»,-գրել է նա։
Ծաղկեպսակին ամրացված սգո ժապավենի վրա գրված է․ «Սիրելի Սաշային թմրամոլներից եւ մարմնավաճառներից»։ «Այդպես է «հատուկջոկատայինների» նախագահն անվանում ցուցարարներին»,-պարզաբանել է Նավոշան։
Բելառուսում ընթանում են զանգվածային բողոքի ցույցեր եւ տեղի ունենում բախումներ հատուկջոկատայինների հետ օգոստոսի 9-ից, երբ հանրապետությունում անցկացվել են նախագահական ընտրությունները։ Ցուցարարները չեն հավատում վերջնական արդյունքներին, որոնց համաձայն՝ Լուկաշենկոն հավաքել է ձայների ավելի քան 80 տոկոսը, հաղորդում է Մոսլենտա-ն։
