Առնվազն 12 մարդ է զոհվել, ևս երեքը ծանր վնասվածքներ ստացել Մցխեթա-Մթիանեթի մարզի Դուշեթի շրջանի Շաթիլի բարձրլեռնային գյուղ տանող ճանապարհին տեղի ունեցած ՃՏՊ-ի հետևանքով: Այս մասին հաղորդում է Վրաստանի ՆԳՆ մամուլի ծառայությունը:
Պատահարը տեղի է ունեցել այսօր երեկոյան Բիսո գյուղի մոտակայքում: Ուղևորատար միկրոավտոբուսն ընկել է ժայռոտ լանջից՝ մոտ 80 մետր բարձրությունից:
Փրկարարներին հաջողվել է ավտոբուսից դուրս բերել երեք տուժածների: Մյուս ուղևորների որոնումները շարունակվում են: Պարզվում է նաև զոհվածների ինքնությունը, իրականացվում են նաև օպերատիվ-որոնողական այլ գործողություններ:
