Այո, ընդհանուր վիրավորների թիվը 36 է, որից մեծ մասը ոտքի վրա, նույնիսկ բժշկական միջամտության կարիք չեն ունեցել, եւ արագ վերադարձել են շարք, 20 զինծառայողի բժշկական օգնություն է ցուցաբերվել, որոնցից 10-ը շարունակում են բուժվել: Այս մասին այսօր` հուլիսի 16-ին, լրագրողների հետ հանդիպմանն ասաց Իջեւանում լրատվական ճգնաժամային կենտրոնի պատասխանատու Արծրուն Հովհաննիսյանը՝ անդրադռանալով նրան, որ ՊՆ-ն նշում էր 20 վիրավորի մասին, իսկ Քննչական կոմիտեն՝ 36-ի:
«Այդ 10-ից 5-ի վիճակը բարդ է, մեկինը՝ ծայրահեղ ծանր: Ուղղակի քննչական մարմինները անգամ աննշան վիրավորման, շոկի պարագայում, որոշակի վարույթ են իրականացնում: Դրա համար իրենց մոտ թվերը ստացվում են ավելի բարձր:
Ինչ վերաբերում է նախօրեին Չինարի գյուղի վիրավորված բնակչին, նա նշեց. «Երեկ երեկոյան տվյալներով վիճակը կայուն է, տեղափոխվում է Երեւան: Կյանքին վտանգ չի սպառնում, 11, թե 12 տոկոս այրվածքներ ունի»:
Արծրուն հովհաննիսյանն ասաց, որ ինքն էլ ստանում է զանգեր, որ շատ երեւանցիներ պատրաստակամություն են հայտնում հյուրընկալել սահմանամերձ գյուղերի բնակիչներին իրենց տներում. «Բնակիչներին Երեւանում տեղակայելու անհրաժեշտությունը չկա այս պահինբնակիչները մնում են իրենց համայնքներում, ամեն ինչ արվելու է իրենց անվտանգությունը կազմակերպելու համար»,-ասաց նա: