Կառավարությունը տեսանյութ է պատրաստել, որտեղ ներկայացնում է, թեր ովքեր կարող են օգտվել կորոնավիրուսի տնտեսական հետևանքների չեզոքացման 22-րդ միջոցառումից:
Ծրագրի շրջանակում միանվագ 68.000 դրամ աջակցությունից կարող են օգտվել այն քաղաքացիները, ովքեր 2020 թվականի հունվարի 1-ից մինչև մարտի 30-ը առնվազն 85 օր եղել են գրանցված աշխատող, սակայն մարտի 1-ից մինչև հունիսի 1-ն ազատվել են աշխատանքից:
Շահառու չեն համարվում այն քաղաքացիները, որոնք աշխատել են
– ֆինանսական
– ապահովագրական
– շահումով խաղերի ոլորտում գործող ընկերություններում
– կառավարչական մարմիններում
– հասարակական կազմակերպություններում
– հիմնադրամներում։
Դիմումները պետք է լրացնել https://dimum.ssa.am/ կայքում: