Search
Close this search box.

ՏԵՍԱՆՅՈՒԹ. Երեւանում ավտոբուսից ուղևորներին իջացրեցին, իսկ վարորդին տուգանեցին 100 հազար դրամով

Երեւանի Տիգրան Մեծի պողոտայում այսօր՝ մայիսի 29-ին, 44 համարի ավտոբուսի վարորդին ( 16 68 S ) ոստիկանները տուգանել են 100.000 դրամ պատճառաբանելով , որ տրանսպորտի մեջ կանգնած մարդ է եղել , բայց նման բան չի եղել։ Այս մասին ֆեյսբուքյան իր էջում գրել է Կար Սարիբեկյանը եւ կից տեսանյութ հրապարակել։ Նա մասնավերապես նշել է․

«Այդ կինը նստեց նույն կանգառից , վարորդը պնդեց մի քանի անգամ , որ իջնի, կինը հրաժարվեց ասելով թե ուշանում է։ Վարորդը դեռ չէր շարժվել ոստիկանուհին սկսեց նկարել ու վարորդին իջեցրեցին տրանսպորտից։ Բոլոր ուղևորները դուրս եկան ու ասացին , որ նույն կանգառից է նստել այդ կինը ու չի երթևեկել կանգնած, բայց դե ո՞վ էր լսում , մարդիկ «իրենց գործն են անում»… տվյալ կինը նույնիսկ մարդավարի չմոտեցավ տեսուչին ու բացատրեր եղելությունը։ Ուղևորները բոլորը գրեցին իրենց հեռախոսահամարները, որպեսզի հետագայում, որպես դեպքի վկա՝ վարորդին աջակցություն ցույց տալու համար։ Մեր ազգի մեջ լիքը լավ ու թասիբով մարդիկ էլ կան:

Ի՞նչ է աշխատում վարորդը, որ 100.000 դրամ տուգանք վճարի, ինչ-որ անիմաստ պատմության համար, կասե՞ք։ Ասեմ, որ երբ մենք բարձրանում էինք տրանսպորտ, վարորդը հատ-հատ նայում էր , որ բոլոր ուղևորները ձեռնոցներով և դիմակներով լինեին։ Կամ ձեր գործը նորմալ արեք կամ մի ՛ արեք»։