Search
Close this search box.

ՏԵՍԱՆՅՈՒԹ. Ծեծկռտուք Երևանում՝ ՃՈ աշխատակիցների և քաղաքացիների միջև. կան բերման ենթարկվածներ, 1 անձ ձերբակալվել է

168.am-ի տեղեկություններով՝ նախորդ գիշեր՝ ժամը 23։00-ի սահմաններում, Երևանի կենտրոնում՝ Մաշտոցի պողոտայում՝ նախկին Փակ շուկայի դիմացի մայթին, ծեծկռտուք է տեղի ունեցել ՃՈ աշխատակիցների և քաղաքացիների միջև։

Մեզ տեսանյութ տրամադրած քաղաքացին նաև նշեց, որ 4 հոգու բերման են ենթարկել։ Կատարվածի վերաբերյալ 168.am-ը պարզաբանում խնդրեց ՀՀ ոստիկանության լրատվական բաժնից: «Մայիսի 24-ին՝ ժամը 22:50-ի սահմաններում ոստիկանությունում ահազանգ է ստացվել, որ Մաշտոցի 8 հասցեում վիճաբանություն կա:

Հետագայում այլ ահազանգ ենք ստացել, որ կռիվ է Մաշտոցի 5 հասցեում: Մեկնած օպերատիվ խումբը Մաշտոցի 5-ի մոտից խուլիգանություն կատարելու կասկածանքով 4 անձի բերման է ենթարկել: Փաստի առթիվ հարուցվել է քրեական գործ, մեկ անձ ձերբակալված է, կատարվում է նախաքննություն»,- ասացին ոստիկանությունից: