Սովորաբար մարդկության պատմության շրջափուլերում գլոբալ իրադարձությունների ժամանակ դժվարին փուլերը հաջողությամբ են հաղթահարել այն հասարակությունները կամ երկրները, որոնք կրել են իրենց մեջ գաղափարախոսական ինչպես նաև ռացիոնալության կամ պրագմատիզմի բաղադրիչ:
Մերօրյա քաղաքակիրթ աշխարհի այսօրվա իրականության համատեքստում ռացիոնալությունը իր տեղը զիջել է գաղափարախոսությունների մերժմանը կամ այլ կերպ ասած պոպուլիզմին: Պոպուլիզմը որպես այդպիսին առաջին հայացքից բավականին գայթակղիչ է թվում, թե՛ քաղաքական սուբյեկտների համար և թե՛ հասարակության համար: Սակայն պոպուլիզմը երբեք չի կարող լինել արդյունավետ, որովհետև այն ըստէության լիովին սնանկ է, և չի ենթադրում ամուր գաղափարական հիմքով ստաբիլ և արդյունավետ համակարգերի ստեղծում:
Իսկ այն կառավարությունները, որոնք իրենց ռազմավարության շեշտադրումը կատարում են հիմք ընդունելով պոպուլիզմը՝ երկարաժամկետ կտրվածքով դատապարտված են լինում ձախողման: Պոպուլիզմը որպես էդպիսին չի կարող դիմագրավել գլոբալ աղետներին, որովհետև փորձություններին կամ աղետներին կարող են դիմագրավել միայն գաղափարական առումով կայացած և ամենակարևորը ստաբիլ համակարգերը, որը պոպուլիզմի դեպքում ինչպես նշվեց բացառվում է: Այն ինչ կատարվում է, կորոնավիրուսի պանդեմիայի շրջանակներում լիովին արտացոլում է այս իրողությունը:
Աղետի դեմ շատ ավելի արդյունավետ դիմագրավում են Ճապոնիայի, Կորեայի, կամ Գերմանիայի պես ոչ պոպուլիստական ուղղվածության երկրները: Իսկ այլ տեղերում, որտեղ գերիշխում է պոպուլիզմը, թեկուզ ԱՄՆ-ում կամ Արևմտյան Եվրոպայի երկրներում՝ արդեն հստակորեն երևում է իրավիճակի սարսափելիությունը: Մեծ հաշվով կորոնավիրուսի աղետը ի ցույց դրեց պոպուլիզմով համեմված համակարգերի սնանկությունը և պրագմատիզմի, ռացիոնալիզմի հրամայականը: Շատերը գտնում են, որ կորոնավիրուսի աղետից հետո գլոբալ փոփոխություններ կլինեն աշխարհում:
Այո այդ փոփոխությունները լինելու են: Վստահաբար այդ փոփոխությունների համատեքստում պոպուլիզմը որպես էդպիսին կսկսի իր տեղը զիջել պրագմատիզմին: Հայաստանում այն ձախողումները որոնք առկա են՝ դրանք պոպուլիզմի դրսևորման առարակայական հետևանքներն են: Վերոգրյալից բխում է այն, որ պոպուլիզմը այլևս չպետք է տեղ ունենա մեր քաղաքական կյանքում:
Հետկորոնավիրուսային աշխարհում գալիք փոփոխությունների համատեքստում Հայաստանը, որպես արևմտյան կամ համամարդկային արժեքների բնօրաններից մեկը այդ փոփոխությունների համատեքստում եվս անմասն չի կարող մնալ:
Դավիթ Ֆիդանյանի ֆեյսբուքյան էջից
