«Առանձնահատուկ ջերմ ողջույններ եմ հղում ջավախահայությանը եւ ներողություն եմ խնդրում, որ այս անգամ չստացվեց այցելել Ջավախք: Նախորդ անգամ անմոռանալի այց էր, ուղղակի տպավորությունները երբեք չեն մարի»,- Թիֆլիսում հայ համայնքի հետ հանդիպմանն այս մասին հայտարարեց ՀՀ վարչապետ Նիկոլ Փաշինյանը:
Երբ վարչապետը հիշեցրեց, որ նախորդ այցի ընթացքում շնիկ է նվեր ստացել, պարզվեց, որ նվիրողը եւս դահլիճում է.
«Հիմա ես ուզում եմ ձեզ տեղեկացնել, որ Արջուկը (Արջուկ ենք դրել անունը) հիմա Կոնդի կառավարական առանձնատների տերն ու տիրականն է: Ամբողջը գտնվում է նրա վերահսկողության տակ»,- կեսկատակ հայտարարեց Փաշինյանը: