Հայասատանում կորոնովիրուսով հիվանդացածության դեպքի արձանագրումից հետո մարդկանց մոտ խուճապ է առաջացել: Շատերը ձգտում են տանից դուրս չգալ գոնե առաջիկա օրերին և հենց այս տրամաբանությամբ է բացատրվում սուպերմարկետներում, և հատկապես «Երևան սիթիներում» իրարանցումն ու առևտրի ծավալների շեշտակի մեծացումը: Մարդիկ մի քանի օրվա համար սնունդ են գնում, և այս իրավիճակում ArmLife.am-ի ունեցած տեղեկություններով՝ հատկապես «Երևան սիթի» աշխատողներն են հայտնվել անհավասար վիճակում:
Բանն այն է, որ մարդկանց մեծ հոսքին զուգահեռ՝ աշխատողները՝ վարակիչ ու գրիպանման հիվանդություններից պաշտպանվելու համար, ցանկանում են բժշկական դիմակներով աշխատել, սակայն «Երևան սիթում» արգելել են հաճախորդների հետ շփվել դիմակներով: Աշխատողները նեղսրտած են, բայց աշխատանքը չկորցնելու համար ստիպված են աշխատել շեֆերի հրահանգով, մինչդեռ Սամվել Ալեքսանյանին հարկ է ևս մեկ անգամ հիշեցնել, որ հենց Առողջապահության նախարարությունն է գրեթե ամենօրյա ռեժիմով կոչ անում ՀՀ բոլոր քաղաքացիներին կրել դիմակներ և հետևել անձնական հիգենայի կանոներին՝ անգամ աշխատանքի վայրում:
ArmLife.am