Չինաստանում բժիշկները հայտարարել են, որ 17-օրական երեխան, որն այս ամսվա սկզբին ունեցել է կորոնավիրուսի թեստի դրական արդյունք, բուժվել է: Այս մասին հայտնում է Daily Mail-ը։
Պարբերականի փոխանցմամբ՝ Սյաո Սյաո անունով աղջնակը փետրվարի 5-ին լույս աշխարհ գալուց ընդամենը մի քանի ժամ անց տեղափոխվել է Ուհան քաղաքի մանկական հիվանդանոցի նորածինների բաժանմունք:
Նորածինը ամենաերիտասարդ հիվանդն է, որը մինչ օրս ապաքինվել է Չինաստանում վիրուսից, հայտնում են պետական ԶԼՄ-ները:
Նրան ուրբաթ օրը տուն են բաց թողել նուկլեինաթթուների հայտնաբերման երեք հաջորդական թեստերի բացասական արդյունքները ստանալուց հետո։
Նրա մայրը արդեն ծննդաբերությունից առաջ դրական արդյունք է տվել հիվանդության համար, որն այժմ կոչվում է COVID-19, եւ տառապում էր կրծքավանդակի ծանր վարակից:
«Նորածին աղջնակը ունեցել է շնչառական համակարգի վարակ եւ մի փոքր սրտամկանի վնասվածք»,-ասել է հիվանդանոցի նեոնատոլոգիայի բաժանմունքի տնօրենը Զեն Լինգկոնգը։
Քանի որ աղջկա ախտանշանները ակնհայտ չէին, բժիշկները որոշել էին նրան հակաբիոտիկներ չտալ եւ թույլ տալ ինքնուրույն հաղթահարել հիվանդությունը:
Դոկտոր Զենն ասել է, որ երեխան լիովին վերականգնվել է կորոնավիրուսից, ինչպես նաեւ սրտի հիվանդությունից:
Չինաստանում բժիշկները մտավախություն ունեն, որ վարակը մորից երեխային կարող է փոխանցվել մոր արգանդում:
