Search
Close this search box.

Շոկի մեջ եմ գրիչի գինն իմանալով. Նիկոլ Փաշինյան

ՀՀ վարչապետ Նիկոլ Թաշինյանը ֆեյսբուքյան իր էջում գրում է.«Շոկի մեջ եմ գրիչի գինն իմանալով: Փաստորեն ՍԴ նախագահի պաշտոնին կեղծիքի միջոցով տիրացած անձը թանկարժեք ընծա է մատուցել երկրի նորանշանակ վարչապետին, այդ պրոցեսը համեմելով «իջեւանցու փեսա» լինելու նուրբ ակնարկներով։

Կլանային կառավարման ավանդույթներ ունեցող երկրում սա կարեւոր նրբություն է։ Ի՞նչ է սա, եթե ոչ սեփական ծառայությունների մատուցման առաջարկ, պաշտոնը պահպանելու դիմաց։

Իսկ հիբրիդային հեղաշրջման մասնակիցները արդեն հրապարակային դրսեւորվում են։ Բայց ինչպես ասել եմ, բոլոր դավադրությունների ողնաշարը ջարդված է։

Դուխով, ժողովուրդ ջան։ Զբաղվում ենք տնտեսական հեղափոխությանը նոր տեմպ հաղորդելով։ Մնացած հարցերը հընթացս եւ ձեռքի հետ կլուծենք»։

Նշենք, որ «Հայելի» ակումբի ղեկավար, ՍԴ նախագահ Հրայր Թովմասյանի քույր Անժելա Թովմասյանը ֆեյսբուքյան իր էջում հրապարակել է Հրայր Թովմասյանի՝ Նիկոլ Փաշինյանին նվիրած գրիչի լուսանկարը՝ կից գրելով. «Գրիչն արժե $166.0»: