Մոսկվայի իրավապահ մարմինները 2025 թվականի սկզբից ի վեր երկրից արտաքսել են ավելի քան 4500 օտարերկրյա քաղաքացիների, որոնք տառապում էին վտանգավոր վարակիչ հիվանդություններով։ Այս մասին հայտնել է Ռուսաստանի ՆԳՆ գլխավոր վարչության Մոսկվայի միգրացիոն վարչության պետի պաշտոնակատար Իգոր Դուդնիկը, հաղորդում է «Ինտերֆաքսը»։
Նրա խոսքով՝ օտարերկրացիները փորձել են ստանալ Ռուսաստանում մնալու թույլտվություն, սակայն նրանց մոտ ախտորոշվել են վարակիչ հիվանդություններ, որոնք վտանգ են ներկայացնում ուրիշների համար։
«Նրանք բոլորը արտաքսվել են երկրից», — ասել է Դուդնիկը։
Ավելին, Ռուսաստանից արտաքսվել է ավելի քան 1600 օտարերկրացի թմրանյութերի օգտագործման համար։ Եվս 150 մարդ փորձել է մուտք գործել Ռուսաստան՝ վարչական իրավախախտումներ կատարելով՝ օգտագործելով փոփոխված անձնագրային տվյալներ։
«Այս տարվա առաջին ինը ամիսներին Մոսկվայի ոստիկանները Ռուսաստանից արտաքսել են ավելի քան 15 000 մարդու»,- նշել է Դուդնիկը։
