Հայաստանի և Ադրբեջանի միջև խաղաղության պայմանագրի ստորագրումը կնպաստի տարածաշրջանում կայունության հաստատմանը, Ռուսաստանը աջակցում է այս գործընթացին, ասել է Ռուսաստանի նախագահի մամուլի քարտուղար Դմիտրի Պեսկովը։
Մեկնաբանելով Հայաստանի և Ադրբեջանի ղեկավարների Աբու Դաբիում կայացած հանդիպումը՝ նա նշել է, որ Մոսկվան ողջունում է նման ուղիղ երկխոսության փաստը։
«Մենք տարբեր մակարդակներում բազմիցս ասել ենք, որ կողջունենք խաղաղության պայմանագրի հնարավորինս շուտ ստորագրումը։ Հենց նման պայմանագրի ստորագրումն է դառնալու շատ կարևոր գործոն, որը կանխատեսելիություն, կայունություն և խաղաղություն կհաղորդի տարածաշրջանին։ Մենք լիովին աջակցում ենք այս գործընթացին», — լրագրողներին ասել է Պեսկովը՝ պատասխանելով այն հարցին, թե ինչպես է Կրեմլը գնահատում այն փաստը, որ Բաքվում և Երևանում բանակցային գործընթացը հնարավորինս մոտեցել է խաղաղության պայմանագրի ստորագրմանը, հաղորդում է ՌԻԱ Նովոստին։
