Մոսկվան կոչ է անում Բաքվին միջոցներ ձեռնարկել հարաբերությունները ռազմավարական դաշինքի մակարդակին վերադարձնելու, ծագող խնդիրները գործընկերային եղանակով լուծելու համար:
«Մենք ակնկալում ենք, որ նրանք, ովքեր ցանկանում են փչացնել երկկողմ հարաբերությունները, կխուսափեն հետագա սադրիչ քայլերից։ Նման քայլեր արդեն բավականին շատ են եղել։ Պետք է նշել, որ այս քայլերը լուրջ վնաս են հասցնում միջպետական հարաբերություններին։ Եվ մենք կոչ ենք անում ադրբեջանական կողմին միջոցներ ձեռնարկել միջպետական հարաբերությունների մակարդակին վերադառնալու համար, որը ձևակերպված է պաշտոնական փաստաթղթերում։ Հիշեցնեմ, որ խոսքը ռազմավարական դաշինքի մակարդակի մասին է»,- «Ինտերֆաքսի» փոխանցմամբ՝ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Ռուսաստանցի պաշտոնյայի խոսքով՝ Մոսկվան դիմել է Բաքվին հնարավորություն տալ ՌԴ դեսպանատան աշխատակիցներին այցելել Ադրբեջանում ձերբակալված ՌԴ քաղաքացիներին, սակայն դեռևս նման հնարավորություն չի տրվել։
