Միշտ էլ հնարավորություններ կան։ Այս մասին այսօր՝ սեպտեմբերի 2–ին, դատական նիստից առաջ լրագրողներին ասաց ՀՀ երրորդ նախագահ Սերժ Սարգսյանը՝ պատասխանելով հարցին՝ Արցախի հարցը հնարավո՞ր է բերել օրակարգ այն դեպքում, երբ Նիկոլ Փաշինյանը ճանաչել է Ադրբեջանի տարածք։
Նա նշեց, որ Արցախի անկախության օրվա հետ կապված ինչ ցանկացել է, նշել է իր ուղերձում։
Դիտարկմանը, որ Նիկոլ Փաշինյանը հայտարարել է, որ այսօրվա և առաջվա Հայաստանը տարբերվում են նրանով, որ նախկինում ՀՀ-ն գոյություն ուներ այլ երկրների շնորհիվ, այսօր ՀՀ-ն գոյություն ունի իր քաղաքացիների շնորհիվ, Սերժ Սարգսյանն ասաց. «Դուք չե՞ք տեսնում տարբերությունը»։
