ԱԺ «Պատիվ ունեմ» խմբակցության պատգամավոր Թագուհի Թովմասյանը հիվադանոցում տեսակցել է Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանին։
Սրբազան Հայրը, պատգամավորի խոսքով, զրկված է իր սահմանադրական իրավունքից, չի կարողանում իրացնել իր կրոնական ազատությունն ու չի կարողանում մասնակցել պատարագների, ստանալ հաղորդություն։
Միքայել Սրբազանը «Իզմիրլյան» բժշկական կենտրոնում է, ԲԿ-ն ունի հոգևոր տեսուչ՝ Հայր Հովհաննես Թորգոմյանը, Հայր Սուրբին, սակայն, հնարավորություն չի տրվում պատարագ մատուցել ու, ըստ այդմ, հաղորդություն ստանալու իրավունքից զրկված է Սրբազան Հայրը։
Թագուհի Թովմասյանը դիմեց Արդարադատության փոխնախարար Տիգրան Դադունցին՝ ինչպե՞ս է տեսնում այս հարցի լուծումը։
Նա էլ ասաց, թե հարցին մանրամասն ծանոթ չէ, չի կարող բովանդակային պատասխան տալ։
«Բայց մենք պետք է հաշվի առնենք, որ խոսքը գնում է խափանման միջոցի մասին, որը ենթադրում է անձի որոշակի իրավունքների սահմանափակում»,- նշեց փոխնախարարը։
