Երևանի ավագանու անդամ Իզաբելլա Աբգարյանը ֆեյսբուքյան իր էջում գրել է․ «Ձեր կարծիքը …
Մետրոյի «Երիտասարդական» կայարանը ԿԳՄՍՆ-ն ուզում է անվանափոխել «Ավետիք Իսահակյան» կայարանի։ Խմբակցությունը կարծիքի համար գրություն է ստացել։
Ամենայն հարգանքով գրողի հիշատակին` անձամբ ես կտրականապես ԴԵՄ եմ այդ գաղափարին։
Չի կարելի աղավաղել քաղաքի պատմությունը։ Երիտասարդական թաղամասեր բնորոշ է ունենալ եվրոպական քաղաքներին, որտեղ կենտրոնացած են բուհերը։
Ոչ միայն կայարանը, այլ նաև այդ թաղամասը վաղուց երևանցիների համար “Երիտասարդական” անվանակոչումն է ստացել։
Դա նույնն է, որ մեկի մտքով անցնի փոխել Փարիզի Լատինական թաղամասի անվանումը»։
