Մեքսիկայի իշխանությունները չեն կարողանա ձերբակալել Ռուսաստանի առաջնորդ Վլադիմիր Պուտինին Միջազգային քրեական դատարանի (ICC) հրամանով, եթե նա հոկտեմբերին մասնակցի հանրապետության հաջորդ նախագահ Կլաուդիա Շեյնբաումի երդմնակալությանը։ Այս մասին ամենօրյա մամուլի ասուլիսի ժամանակ հայտարարել է Մեքսիկայի ղեկավար Անդրես Մանուել Լոպես Օբրադորը։
«Մենք չենք կարող դա անել, դա մեր գործը չէ»,-պատասխանել է նա լրագրողների այն հարցին, թե արդյոք Մեքսիկայի իշխանությունները կգործեն ՄՔԴ-ի հրամանի համաձայն՝ Ռուսաստանի ղեկավարի՝ երկիր այցի դեպքում:
Լոպես Օբրադորը հաստատել է, որ երկրի իշխանությունները Շեյնբաումի երդմնակալության հրավերներ են ուղարկել բոլոր այն երկրների ղեկավարներին, որոնց հետ Մեքսիկան դիվանագիտական հարաբերություններ ունի։
