Իհարկե, ես կգնամ նաև Մայր Աթոռ Սուրբ Էջմիածին։ Այս մասին նոյեմբերի 12-ին լրագրողների հետ զրույցում հայտարարել է Հայաստանի վարչապետ Նիկոլ Փաշինյանը։
Նա պարզաբանել է, որ դա կանի, երբ իրեն «հոգևոր առումով բավականաչափ մաքրված» զգա։
Նրա խոսքով՝ այդ շարք պատարագները շատ կարևոր են։ Փաշինյանը հայտնել է, որ պատրաստվում է շարունակել մասնակցել պատարագներին՝ ընդգծելով, որ ձևակերպել է Ամենայն Հայոց Կաթողիկոսի հրաժարականի օրակարգը և հետևելու է դրան։ «Սա կենդանի պրոցես է, որտեղ խոսակցություն է տեղի ունենում հանրության հետ, խոսակցություն է տեղի ունենում յուրաքանչյուրն ինքը իր հետ, խոսակցություն է տեղի ունենում Աստծո հետ», — հավելել է Փաշինյանը։
