Ամերիկացի գործարար Իլոն Մասկը նախագահ Դոնալդ Թրամփի հետ վեճի ֆոնին հանդես է եկել ԱՄՆ-ում նոր կուսակցություն ստեղծելու օգտին և առաջարկել «Ամերիկա» անվանումը։ Այս մասին նա հայտարարել է X սոցցանցում։
«Ամերիկա կուսակցություն», — գրել է Մասկը։
Նա նաև նշել է, որ նման կուսակցությունն անհրաժեշտ է Միացյալ Նահանգներին։ Ըստ Մասկի, դրա ստեղծման օգտին է արտահայտվել X սոցցանցում հարցված ամերիկացիների 80%-ը։
ԱՄՆ նախագահ Դոնալդ Թրամփի և գործարար Իլոն Մասկի միջև հանրային բանավեճ է տեղի ունեցել գործարարի՝ Սպիտակ տունը լքելու որոշման ֆոնին։
Մասկը լքել է ԱՄՆ կառավարության արդյունավետության դեպարտամենտի (DOGE) ղեկավարի պաշտոնը, ինչից հետո քննադատել է Թրամփի՝ հարկերի վերաբերյալ որոշումը։ Ըստ գործարարի, օրինագիծը, որը նախատեսում է հարկային արտոնություններ, կհանգեցնի ԱՄՆ բյուջեի դեֆիցիտի աճի։
