Դեսպան Կոպիրկինը և վարորդը ստացել են թեթև վնասվածքներ։ Անհրաժեշտ բուժօգնություն է ցուցաբերվել, նրանց առողջությանը վտանգ չի սպառնում։ Այս մասին տեղեկացնում են Հայաստանում ՌԴ դեսպանատնից։
Հիշեցնենք, որ երեկ՝ փետրվարի 20-ին, Երևանում ավտովթարի էր ենթարկվել Հայաստանում Ռուսաստանի դեսպան Սերգեյ Կոպիրկինի ծառայողական «Toyota» մակնիշի ավտոմեքենան։ Վթարի հետևանքով վարորդն ու ուղևորը տեղափոխվել էին հիվանդանոց։ Վթարի պատճառը եղել էր ճանապարհի մերկասառույցը։
