Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի եռակի չեմպիոն Մալխաս Ամոյանը 4-րդ անգամ հռչակվեց Եվրոպայի չեմպիոն:
Սլովակիայի մայրաքաղաք Բրատիսլավայում անցկացվող հունահռոմեական ոճի ըմբշամարտի Եվրոպայի առաջնությունում 77 կգ քաշային կարգի եզրափակիչում Մալխաս Ամոյանը փառահեղ հաղթանակով նվաճեց 4-րդ ոսկե մեդալը:
Եզրափակիչում Ամոյանը 3:1 հաշվով տպավորիչ հաղթանակ տարավ աշխարհի բրոնզե մեդալակիր, վրացի Ռամազ Զոյիձեի նկատմամբ:
Գոտեմարտի ավարտին Եվրոպայի քառակի չեմպիոնը Հայաստանի եռագույնով չեմպիոնական շրջան կատարեց Արմեն Բաբալարյանի եւ իր մարզիչի հետ:
Մինչեւ չեմպիոնական եզրափակիչ Ամոյանը 3 հաղթանակ է տարել:
Փարիզի Օլիմպիական խաղերի բրոնզե մեդալակիրը 1/8 եզրափակիչում ժամանակից շուտ 9:0 հաշվով պարտության է մատնել աշխարհի եւ Եվրոպայի փոխչեմպիոն, լեհ Մատեուշ Բենրատեկին: Քառորդ եզրափակիչում Հայաստանի առաջատար ըմբիշը 7:2 հաշվով առավելության է հասել մոլդովացի Ալեքսանդր Սոլովեյի նկատմամբ: Կիսաեզրափակիչում Ամոյանը 5:1 հաշվով գերլարված պայքարում պարտության է մատնել Բուլղարիան ներկայացնող Հայկ Մնացականյանին:
