ՌԴ ԱԳՆ ղեկավար Սերգեյ Լավրովը հանդես է եկել Ղրղզստանում ՀԱՊԿ արտաքին գործերի նախարարների խորհրդի արդյունքներով հրավիրված մամուլի ասուլիսում։ Նա, ի թիվս այլ բաների, գնահատական է տվել Հայաստանում տեղի ունեցող իրադարձություններին։
«Իրադարձություններն այդ երկրում նրա ներքին գործն են, բայց հարձակումները եկեղեցու դեմ մտահոգություն են առաջացնում։ Եկեղեցին միշտ եղել է հայ հասարակության առանցքային հենարաններից մեկը, եւ մենք բնավ չէինք ցանկանա, որ այդ եկեղեցին ենթարկվի չարդարացված հարձակումների՝ առանց որեւէ լուրջ հիմնավորման»,- հայտնել է նախարարը։
