«Հայաքվե» նախաձեռնությունը քաղաքացիներին ուղղված հայտարարությամբ է հանդես է եկել՝ կոչ անելով չմասնակցել գործընթացների, որոնք, իրենց գնահատմամբ, կարող են վնասել Հայաստանի անվտանգությանը։ Նախաձեռնության ներկայացուցիչները վստահեցնում են, որ իշխանությունները ադրբեջանական բենզինի ներմուծումը ներկայացնում են որպես «խաղաղության օրակարգի» կարևոր ձեռքբերում, մինչդեռ իրականությունը այլ է։
«Հայաքվե»-ն դիմում է վարորդներին՝ կոչ անելով ցուցաբերել քաղաքացիական պատասխանատվություն և խուսափել RAN Oil բենզալցակայաններից, որտեղ, ըստ նրանց, վաճառվում է ադրբեջանական ծագման վառելիք։ Նախաձեռնության համոզմամբ՝ այդ բենզինի վաճառքը ներկայացվում է որպես խաղաղության նշան, սակայն իրականում Ադրբեջանը շարունակում է զինվել, խախտել մարդու իրավունքները և, նրանց գնահատմամբ, պատրաստվել նոր գործողությունների Հայաստանի դեմ։
