Իսրայելի պաշտպանության բանակը իր Telegram ալիքում հայտարարել է, որ հարվածներ է հասցրել Լիբանանի հարավում գտնվող «Հեզբոլլահ» շարժման ռազմական ենթակառուցվածքին և զենքի պահեստին։
«Երեկ Իսրայելի պաշտպանության ուժերը հարձակվել են ռազմական ենթակառուցվածքների վրա հարավային Լիբանանի Հանինի և Մարուն ալ-Ռաս բնակավայրերում: Բացի այդ, հարձակվել են «Հեզբոլլահի» զենքի պահեստի վրա՝ Նաբաթիե քաղաքի մոտ», — ասվում է բանակի հաղորդագրության մեջ:
Իսրայելի բանակի հրետանին հարվածներ է հասցրել նաև Լիբանանի հարավում գտնվող Ռմեյշ, Լաբուն, Քֆարչուբա և Այտա ալ-Շաբ գյուղերի տարածքներին վտանգը վերացնելու համար:
