«Մարտական եղբայրություն» միաբանության անդամ Հրանտ Տեր-Աբրահամյանը ֆեյսբուքյան էջում գրել է․ «Իշխանամետ մի բլոգեր հրապարակում է արել կաթողիկոսի ապօրինի կնոջ մասին..․
Էս ամենում ինձ համար արձանագրելի է, որ
1. Հայ Առաքելական Եկեղեցու որպես կարևորագույն և հնագույն ազգային ինստիտուտի և պետության հետ դրա հարաբերության կարևորագույն, հիմնարար թեման, վերածեցին էժան «պոռնոսկանդալի», արժեզրկեցին այդ թեման մինչև վերջին խազը որպես վերջին վնասակարներ /վրեդիտելներ/
2. Որ ինչպես միշտ խնդիրն այն է, որ «կոմպրոմատները» ունեն բնականաբար ի սկզբանե, բայց հրապարակում են ըստ իրավիճակի, երբ որ թելադրում է անձնական կամ խմբային շահը: Այսինքն` հարցը ոչ թե սկզբունքն է, այլ իրավիճակային նեղ խնդրի լուծումը: Եթե ինձ/մեզ չկպնեք բոլորդ հանգիստ կապրեք ձեր կոմպրոմատ կյանքերով:
3. Որպես դեսերտ` զվարճալի է տեսնել, որ աթեիստ արվեստաբաններին հանկարծ այդքան հետաքրքրում է հոգևորականների կուսակրոնության հարցը: Բայց խնդիր չունեն օրը մեջ սաղմոսների ու Կտակարաններից մեջբերումների հրապարակումների հետ երկրի գլխավոր դեմքի էջով: Յանի ձեզ համար Եկեղեցին ու Պետությունը խստորեն անջատված չէին:
4. Իշխող խումբը կտրված է իրականությունից և չի գիտակցում, որ վաղուց չունի այն հեղինակությունը, որպեսզի էս քարոզչական պայքարում հասարակությունն իր կողմը գրավի` նույնիսկ նրանց, ովքեր հեչ տրամադրված չեն պագոնով եկեղեցականներին պաշտպանելու:
5 Էլ թեմա մնաց, որ չեն փչացրել անդառնալիորեն: Ինչին կպնում եք, մենակ ավելի վատ եք անում:
Հասկացեք, եղբայրներ և քույրեր, դուք հիմնականում պետք է լռեք: Դուք վաղուց չեք ապրում իրական երկրում, չեք զգում դրա մթնոլորտը, էն որ ասում եք իրական Հայաստան, այ դրանում դուք վաղուց չեք ապրում, կտրված եք, հանրության զարկերակը չեք զգում:
Ոչ միայն պաշտոնայները, այլ ցանկացած մեկն, ով առնչվել է:
Օրինակ, եթե մարդը գնացել է Իրական Հայաստանի մասին գաղափարական դասախոսությանը, հետո էլ իրավունք չունի ոչ մի բանից խոսի, առավել ևս մայիսի իննից կամ Գերթրուդա պլանից, որովհետև անդառնալիորեն փչանում է որևէ թեմա, որին կպնում ես:
Հ. Գ Եթե ասեն, բա անձնականին կպել, ինքն էլ մարդ է…..
Ուշ է արդեն, ցավոք, սա էլ ուշ: Ժամանակին` մինչև պատերազմը պետք էր կարմիր գծերը գծել` ով կպնում է ընտանիքին և այլ կարմիր գիծ թեմաներին, նա պետք է կորեր հանրային դաշտից: Հիմա արդեն ուշ է, գնացքը գնացել է: Իսկ ֆեյսբուքով պատասխանելը նման բաներին, հաստատ լուծում չի, ցանկացած տարբերակում»:
