Իրանի նախագահ Մասուդ Փեզեշքիանն ազգին ուղղված իր ուղերձում ընդգծել է, որ Իրանի Իսլամական Հանրապետության օրինական և հզոր արձագանքը «կստիպի թշնամուն զղջալ իր անմիտ գործողությունների համար», հաղորդում է Tasnim-ը։
«Այսօր, ավելի քան երբևէ, Իրանի ազգը կարիք ունի միասնության, վստահության, կարեկցանքի, համերաշխության և համաձայնության, և Աստծո օգնությամբ, այդպիսի արժեքավոր ոգով, այն կոշտ, իմաստուն և ուժեղ պատասխան կտա օկուպացիոն ռեժիմի հանցագործությանը», — ասել է նա։
«Այս դաժան արարքը, որը խախտում է բոլոր միջազգային պարտավորությունները, հաստատում է անօրինական սիոնիստական ռեժիմի հանցավոր բնույթը, որը իր գոյությունը կառուցել է օկուպացիայի, բռնաբարության և մանկասպանության հիման վրա։
Երեկ երեկոյան ամբողջ աշխարհի դեմ տեղի ունեցած ագրեսիան ապացուցեց Իրանի Իսլամական Հանրապետության վաղեմի պնդման օրինականությունը, որ ագրեսիան և հանցագործությունները բնորոշ են սիոնիստական ռեժիմի բնույթին։
Իհարկե, Իրանի ժողովուրդը և երկրի պաշտոնյաները չեն լռի այս հանցագործության առջև, և Իրանի Իսլամական Հանրապետության օրինական և հզոր արձագանքը կստիպի թշնամուն զղջալ իր անմիտ գործողությունների համար։
Մեր մեծ իմամի խոսքով՝ երբ դրոշն ընկնում է հրամանատարի կարող ձեռքերից, մեկ այլ հրամանատար վերցնում է այն և մտնում մարտադաշտ», — մասնավորապես նշել է Իրանի նախագահը։
