«Իրազեկ քաղաքացիների միավորում» ՀԿ-ն Տեր Արամի հայտարարությունների վերաբերյալ հաղորդում է ներկայացրել Գլխավոր դատախազություն, սակայն պատասխան չի ստացել: Այս մասին, այսօր՝ հոկտեմբերի 15–ին, լրագրողների հետ հեռախոսազրույցում նշեց «Իրզաեկ քաղաքացիների միավորում» ՔԿ ծրագրերի համակարգող Դանիել Իոաննիսյանը։
«Հաղորդման մեջ ենթադյալ կատարողների անուններ, առավել ևս` եկեղեցականների անուններ, որինչ չկար, միայն իրավապահների ուշադրությունն ենք հրավիրել այն փաստի վրա, որ Տեր Արամն իր խոսքում նշել է հավաքներին մասնակցելուն պարտադրելու մասին:
Դատախազությունից որևէ պատասխան չենք ստացել: Որևիցե մանրամասն, այլ բան չգիտենք: Դատախազության ուշադրությունն ենք գրավել այդ հարցազրույցին, խնդրել ենք քննել: Առ այսօր մեր հաղթրդման վերաբերյալ որևէ նորություն չունեինք:
Այսօր էլ, որ ձերբակալությունները սկսեցին, մենք չգիտեինք, որ դա մեր հաղթրդման հիման վրա է, ընթացքում հասկացանք,- ասաց Իոաննիսյանը:
Ավելի ուշ ԻՔՄ–ն հայտարարություն է տարածել, որտեղ ասվում է. «Իրազեկ քաղաքացիների միավորում» ՀԿ-ն պահանջել է քննել հավաքին մասնակցել պարտադրելու մասին Տեր Արամ քահանայի հայտարարությունները:
Ի պատասխան լրատվամիջոցների հարգարժան ներկայացուցիչների հարցերի՝ հայտնում ենք, որ ս.թ. սեպտեմբերի 16-ին Հովհաննավանքի հոգևոր հովիվ քահանա Տեր Արամը Հանրային հեռուստատեսության եթերում հայտարարեց, որ 2021 թվականին Հայ առաքելական սուրբ եկեղեցու ներսում եղել է պարտադրանք` քաղաքական ուժերից մեկի նախընտրական հանրահավաքներին մասնակցելու համար:
Քանի որ հանրահավաքներին մասնակցելը թե՛ հին, թե՛ նոր Քրեական օրենսգրքով արգելված արարք է, «Իրազեկ քաղաքացիների միավորումը» սեպտեմբերի 17-ին հանցագործության մասին հաղորդում էր ներկայացրել ՀՀ Դատախազություն՝ խնդրելով քննել հրապարակային արված այդ հայտարարությունը: Ճիշտ այնպես, ինչպես միշտ անում ենք ժողովրդավարական կարգին դեմ ուղղված հանցագործության մասին որևէ հրապարակային խոսք նկատելու բոլոր դեպքերում:
Հայտնում ենք, որ ենթադրյալ հանցագործության կամ դրա հնարավոր կատարողների մասին որևէ այլ տեղեկություն կամ մանրամասներ չունենք:
Հարկ ենք համարում նաև նկատել, որ որևէ հանրահավաքի մարդկանց մասնակցել պարտադրելը կամ դրա համար վճարելը հանցագործություն է, և պետությունը պետք է պայքարի դրա դեմ»:
Հիշեցնենք, որ ավելի վաղ հայտնել էինք՝ Երևան քաղաքի քննչական կոմիտեում են գտնվում Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ քահանաները, ինչպես նաև Արագածոտնի թեմի առաջնորդ Մկրտիչ եպիսկոպոս Պռոշյանը:
