«Ես դիմել եմ արհեստական բանականությանը, հնարավո՞ր է արդյոք առանց քրեական հոդվածի, մարդն ունենա մեղադրյալի կարգավիճակ։ Շատ երկար աշխատելուց, տվյալները մշակելուց հետո ինձ ասաց՝ սա աբսուրդ է, անհնար է»,-Հակակոռուպցիոն դատարանում ընթացող դատական նիստում հայտարարեց ՀՀ երկորրդ նախագահ Ռոբերտ Քոչարյանը՝ դիմելով դատավորին։
Շարունակելով ներկայացնել ԱԲ-ի պատասխանը՝ Ռ. Քոչարյանն ասաց, համացանցում եղած ողջ տվյալները մշակելուց հետո այն արձագանքել է, որ աշխարհում չկա մի երկիր, որտեղ նման բան հնարավոր է, վերջին 100 տարվա ընթացքում եղած տվյալներում ԱԲ-ն նման օրինակ չի գտել։
