Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի Անքորիջի գագաթնաժողովի ժամանակ օդանավակայանից նույն մեքենայով մեկնելը նախատեսված չէր, այն իմպրովիզացված էր, ՌԻԱ Նովոստիին հայտնել է բանակցությունների կազմակերպմանը մոտ կանգնած աղբյուրը։
Նրա խոսքով՝ օդանավակայանում հանդիպման սցենարը ենթադրում էր, որ երկու առաջնորդներն էլ պետք է գնային իրենց մեքենաներով՝ Պուտինը՝ Aurus լիմուզինով, իսկ Թրամփը՝ Cadillac-ով։
Սակայն, ըստ աղբյուրի, արարողությունը չի ընթացել ըստ ծրագրի. նախ առաջնորդները միասին բարձրացել են պատվանդան՝ համատեղ լուսանկարվելու համար, և ոչ թե տարբեր կողմերից, ինչպես նախատեսված էր, ապա, անսպասելիորեն հանդիպման մասնակիցների համար, ամերիկացի առաջնորդը հրավիրել է Ռուսաստանի նախագահին իր մեքենա, ինչին Պուտինը հեշտությամբ համաձայնել է։
