Եթե նախագահ Թրամփն անկեղծ է գործարք կնքելու հարցում, ապա նա պետք է հրաժարվի իսլամական հեղափոխության առաջնորդ, այաթոլա Ալի Խամենեիի նկատմամբ իր անհարգալից եւ անընդունելի տոնից, հայտնել է արտգործնախարար Աբաս Արաղչին։
«Իրանցիների համառությունը հայտնի է մեր հիասքանչ գորգերով, որոնք հյուսված են անթիվ ժամերի քրտնաջան աշխատանքի եւ համբերության միջոցով։ Սակայն որպես ժողովուրդ մեր հիմնական սկզբունքը շատ պարզ եւ հստակ է. մենք գիտենք մեր արժեքը, գնահատում ենք մեր անկախությունը եւ երբեք թույլ չենք տալիս, որ որեւէ մեկը որոշի մեր ճակատագիրը»։
«Մեծ եւ հզոր իրանցի ժողովուրդը, որն աշխարհին ցույց տվեց, որ իսրայելական ռեժիմը ԱՅԼ ԸՆՏՐՈՒԹՅՈՒՆ չունի, քան «հայրիկի» մոտ փախչելը, որպեսզի չկործանվի մեր հրթիռներից, չի սիրում սպառնալիքներ եւ վիրավորանքներ։ Եթե պատրանքները հանգեցնեն ավելի վատ սխալների, Իրանը չի տատանվի բացահայտել իր իրական կարողությունները, ինչը, անշուշտ, վերջ կդնի Իրանի հզորության մասին ցանկացած սխալ պատկերացման, նշել է Արաղչին, հաղորդել է Mehr-ը։
