Անցած գիշեր Ռուսաստանի հակաօդային պաշտպանության ուժերն ուկրաինական 23 անօդաչու թռչող սարք են խոցել, որոնք փորձում էին գրոհել Բելգորոդի և Կուրսկի մարզերի տարածքները։
Այս մասին հայտնել է ՌԴ պաշտպանության նախարարությունը։
«Անցած գիշեր հակաօդային պաշտպանության ուժերը հաջողությամբ հետ են մղել հարձակումը՝ ոչնչացնելով բոլոր 23 ուկրաինական անօդաչու թռչող սարքերը, որոնք ուղղված են եղել Բելգորոդի և Կուրսկի մարզերի թիրախներին», — ասվում է գերատեսչության Telegram ալիքում հրապարակված հաղորդագրության մեջ։
Բելգորոդի նահանգապետ Վյաչեսլավ Գլադկովի խոսքով՝ Վալույսկի շրջանի Բորկի գյուղի վրա հարձակման հետևանքով վիրավորվել է 16-ամյա դեռահաս։ Նա վիրավորվել է անօդաչու թռչող սարքից նետված պայթուցիկ սարքից և փակ գանգուղեղային վնասվածքով, գլխի վնասվածքով, ձեռքերի և ոտքերի բեկորային վնասվածքներով տեղափոխվել Վալույի կենտրոնական շրջանային հիվանդանոց։ Ամբողջական անհրաժեշտ օգնությունը ցուցաբերվել է։
Կուրսկի մարզոմ հարձակման հետեւանքների մասին դեռ տեղեկություններ չկան։
