Իրանի նախագահ Մասուդ Փեզեշքիանը հայտարարություն է արել, ըստ որի Իսրայելի իշխանությունները փորձել են սպանել իրեն, սակայն ձախողվել են։ Այս մասին հայտնում է «Ռիա Նովոստի»-ն։
«Այո՛, նրանք փորձեցին, բայց ձախողվեցին», — ասել է Իրանի նախագահը։
Հիշեցնենք՝ նախկինում Իսրայելի վարչապետ Բենիամին Նեթանյահուն հայտարարել էր, որ Իրանի գերագույն հոգևոր առաջնորդ Ալի Խամենեիի սպանությունը «կավարտեր հակամարտությունը» երկու երկրների միջև։
ԱՄՆ նախագահ Դոնալդ Թրամփը, ըստ լուրերի, նրան կոչ է արել չանել դա և ամեն կերպ միջնորդել է, որպեսզի դա չկատարվի։ Հնարավոր մահափորձի վերաբերյալ արված հայտարարություններում հիմնական թիրախ էր ընտրված Իրանի գերագույն հոգևոր առաջնորդ Ալի Խամենեիին։
