Հռոմի պապ Ֆրանցիսկոսը հիվանդանոց է ժամանել երկարատև բրոնխիտից բուժվելու համար։ Այս մասին հայտնել է Սուրբ Աթոռի մամուլի ծառայությունը, փոխանցում է ՏԱՍՍ-ը։
«Լսարանից հետո Հռոմի Պապ Ֆրանցիսկոսը հոսպիտալացվել է՝ անհրաժեշտ ախտորոշիչ թեստերի և բրոնխիտի բուժումը հիվանդանոցային պայմաններում շարունակելու համար», — ասվում է հայտարարության մեջ:
Ինչպես նշվում է, նա տեղափոխվել է Ագոստինո Ջեմելիի անվան հռոմեական հիվանդանոց, որտեղ արդեն մի քանի անգամ բուժվել է։
