Այսօր առավոտյան Երևանից Մոսկվա թռչող Utair ավիաընկերության ինքնաթիռը վթարային վայրէջք է կատարել Աստրախանում։ Ուղևորները Armlife.am-ի հետ զրույցում պատմում էին, որ հրաշքով փրկվել են։ «Օդում շարժիչի խափանում է տեղի ունեցել, և ինքնաթիռը Մոսկվայի փոխարեն մեզ իջեցրել է Աստրախանում։ Հրաշքով փրկվել ենք։ Հիմա քիչ- քիչ տեղափոխում են Մոսկվա։ Սկզբից նրանց են տեղափոխում, ում հետ մանկահասակ երեխա կա»,- պատմում է մեզ հետ զրուցող ուղևորը։
