«Հրապարակ» թերթը գրում է. «Իշխանությունը չի կողմնորոշվում՝ գնա՞լ արտահերթ ընտրության, թե՞ Ակային՝ Արկադի Փելեշյանին պահել մինչեւ հաջորդ ժամկետ, որ ԱԺ ընտրություններում իրեն ծառայի։
Օրերս վարչական վերաքննիչ դատարանը կարճել է Վանաձորին վերաբերող՝ գրեթե 4 տարի ձգվող դատական գործը, որն արգելում էր, որ Վանաձորի ավագանին համայնքապետ ընտրի։
2021-ին ընտրված թեկնածու Մամիկոն Ասլանյանի կալանավորումից հետո Փաշինյանն ու դաշնակիցները դատական հայցերով կասեցրին համայնքապետին ընտրելու հարցը, ապա օրենքի փոփոխությամբ՝ համայնքապետ նշանակվեց կրիմինալ համբավ ունեցող Ական, որն ընտրվել է ՀԱՍԿ-ից։
Եթե այս անգամ դատարանի որոշումը չբողոքարկեն, ապա, ըստ օրենքի, ավագանին 20 օրում պետք է իր կազմից համայնքի ղեկավար ընտրի։ Եթե նիստ- քվեարկություն չկայանա, ավագանին կցրվի, եւ ընտրություններ կանցկացվեն։ Առայժմ հայտնի չէ՝ որ ճանապարհը կընտրեն։
Առավել մանրամասն թերթի այսօրվա համարում
