Այսօր ԱԺ «Հայաստան» խմբակցության պատգամավոր Մհեր Սահակյանի մահվան տարելիցն է։ Նա մեկ տարի առաջ ողբերգական ավտոպատահարի զոհ էր դարձել։
«Հայաստան» խմբակցության պատգամավոր Գառնիկ Դանիելյանն, ի հիշատակ Մհեր Սահակյանի, գրել է.
«Մհերը հայրենասեր, պատվախնդիր հայի կերպար էր: Նա այնտեղ էր, որտեղ օգնության կարիք կար:
Լռակյաց, խոսել չսիրող մեր ընկերը մշտապես հայրենիքի պաշտպանության առաջնագծում էր:
Մեկ տարի է, ինչ չենք տեսնում քո լուսավոր ժպիտը, սիրելի՛ Մհեր:
Որքան անելիքներ ունեինք միասին…
Ազնվազարմ հայի քո կերպարը մշտապես մեզ հետ է:
Հիշատակդ միշտ վառ, Մհեր Սահակյան»։
