Ռուսաստանի փոխարտգործնախարար Միխայիլ Գալուզինը ՏԱՍՍ-ին տված հարցազրույցում հայտարարել է, որ Հայաստանը դառնում է Արևմուտքի գործիք Ռուսաստանի դեմ պայքարում։
Գալուզինը հիշեցրել է Հայաստանի վարչապետ Նիկոլ Փաշինյան այն հայտարարությունը, որ երկրի քաղաքականությունը չի ենթադրում Ռուսաստանի շահերին վնաս հասցնել։
«Այնուամենայնիվ, տեսնում ենք, որ Երևանը արագացնում է ռազմական, քաղաքական և տնտեսական մերձեցման տեմպերն Արևմուտքի երկրների և դաշինքների հետ։ Մենք բազմիցս ասել ենք մեր հայ գործընկերներին, որ Արևմուտքի համար, իսկ նրանք այլևս չեն էլ թաքցնում, Հայաստանը աշխարհաքաղաքական պայքարի գործիք է Մոսկվայի հետ առճակատման գործում», — նշել է դիվանագետը։
