Հայաստանն առանց ՌԴ-ի դատապարտված է, ես չեմ հավատում, որ վարչապետ Նիկոլ Փաշինյանը դա չի հասկանում. այս մասին «Ռոսիա 1» հեռուստաալիքի եթերում ասել է RT հեռուստաալիքի գլխավոր խմբագիր Մարգարիտա Սիմոնյանը՝ անդրադառնալով ուրբաթ Սպիտակ տանը ԱՄՆ նախագահ Դոնալդ Թրամփի, Փաշինյանի և Ադրբեջանի նախագահ Իլհամ Ալիևի միջև կայանալիք հանդիպմանը:
«Եթե Փաշինյանը, այս ամենը գիտակցելով, այնուամենայնիվ, համաձայնի ամերիկյան ծրագրերին, ևս մեկ անգամ կապացուցվի, որ նա թքած ունի Հայաստանի, հայ ժողովրդի և դրանց հետ առնչվող ցանկացած բանի վրա… Հայաստանի քաղաքացիները, հատկապես Փաշինյանի օգտին քվեարկածները, պետք է գիտակցեն, որ առանց ՌԴչի լինի ոչ թե Լեռնային Ղարաբաղ, այլև Հայաստան», — ասել է Սիմոնյանը՝ հիշեցնելով, որ 44-օրյա պատերազմը դադարեցրել է անձամբ ՌԴ նախագահը, այլ ոչ թե ԱՄՆ-ն:
«Թուրքիան Ադրբեջանի դաշնակիցն էր ու ՆԱՏՕ-ի անդամ, մի՞թե ԱՄՆ-ն, որպես ՆԱՏՕ-ի առաջատար ուժ, չէր կարող Թուրքիային սաստել հօգուտ Հայաստանի… Ի վերջո կստացվի այնպես որ Հայաստան պետության գոյության մասին մենք կիմանանք միայն պատմության գրքերից, ինչպես, օրինակ, Ուրարտուի, Մեծ Հայքի և Տիգրան Մեծի մասին ենք կարդում», — ասել է Սիմոնյանը:
