Աստանայում կայացած ՀԱՊԿ գագաթնաժողովում Հայաստանի բացակայությունը դրական հեղինակություն չի ստեղծում։ Այս մասին հայտարարել է Բելառուսի Անվտանգության խորհրդի պետքարտուղար Ալեքսանդր Վոլֆովիչը, հաղորդում է Sputnik-ը։
«Իհարկե, անդամներից մեկի՝ Հայաստանի միտումնավոր բացակայությունը նրա համար դրական իմիջ չի ստեղծում», — Բելառուսի 1-ի եթերում ասել է Անվտանգության խորհրդի պետքարտուղարը։
Սակայն, ըստ նրա, դա չի ազդում կազմակերպության ընդհանուր օրակարգի վրա։
Վոլֆովիչի խոսքով՝ բոլոր այն հարցերը, որոնք քննարկվել և համաձայնեցվել են հինգշաբթի Աստանայում ՀԱՊԿ անդամ երկրների ԱԳ նախարարների, պաշտպանության նախարարների և Անվտանգության խորհուրդների քարտուղարների հանդիպմանը և ներկայացվել են պետությունների ղեկավարների ուշադրությանը, ի վերջո քննարկվել են։
