Երեկ Վալոդյա Գրիգորյանի եւ Մհեր Ախտոյանի թիմակցիների ծեծկռտուքի դեպքով ձերբակալվածները 5 անձ են։ Հայտնում է ArmLur.am-ը։
Աղբյուրին հասած տեղեկությունների համաձայն` միջադեպի մասնակիցները փետրվարի 5-ին Մերձավանում աղմկահարույց ծեծկռտուքի եւ հնչած կրակոցների կիզակետում հայտնվածներն են։
Ինչպես վելի վաղ հայտնել էր լրագրող Լիա Սարգսյանը՝ ծեծկռտուք է տեղի ունեցել Վալոդյա Գրիգորյանի և ՔՊ-ական համայնքապետ Մհեր Ախտոյանի համախոհների միջև: Կռիվն այնպես է թեժացել, որ կողմերը միմյանց վրա քարեր են նետել:
Նույն գիշեր անհայտ անձինք կոտրել են Գրիգորյանի և Կարեն Աբրահամյանի սպանությունը օժանդակելու մեջ մեղադրվող Նարեկ Օհանյանի եղբոր՝ Գրիգոր Օհանյանի գերեզմանը:
ՆԳՆ-ից տեղեկությունը հաստատում են՝ «Վիճաբանություն է եղել մի խումբ անձանց միջև: Ոստիկանները կանխել են հետագա զարգացումները: Կան ձերբակալվածներ»,- հայտնել է Նարեկ Սարգսյանը:
Միջադեպի մասնակիցների մի մասը դիմել են փախուստի, նշում է լրատվամիջոցը։
