Ֆրանսիան ողջունել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Վաշինգտոնում ձեռք բերված համաձայնությունը՝ ուղղված երկու երկրների հարաբերությունների կարգավորմանը։
«Հայաստանի և Ադրբեջանի միջև Խաղաղության պայմանագրի հնարավորինս շուտ ստորագրումն ու վավերացումն անհրաժեշտ է՝ այս գործընթացը լիարժեք ավարտին հասցնելու համար», — հայտարարել են Ֆրանսիայի ԱԳՆ-ից։
Հայտարարությունում նշվում է, որ Ֆրանսիան աջակցում է ԵԱՀԿ Մինսկի խմբի կառույցների լուծարման գործընթաց սկսելու վերաբերյալ կողմերի համատեղ կոչին։
