Հիշեցնենք՝ քիչ առաջ ուժեղ փոթորիկը քարուքանդ է արել Ապարանում ամանորյա շքեղ զարդարված հրապարակը։ Այս պահին Ապարանում շարունակում է մոլեգնել ուժեղ քամին։ Ապարանի քաղաքապետարանի աշխատակիցները Նոր տարվան ընդառաջ՝ զարդարել էին քաղաքը՝ մուտքից մինչև կենտրոնական հրապարկ ու փողոցներ։ Րոպեների ընթացքում փոթորիկն ամեն ինչ գետնին է հավասարեցրել։ Ի դեպ, այս տարի Ապարանի ամանորյա զարդարանքը աննախադեպ շքեղ էր։ Քիչ առաջ Ապարան խոշորացված համայնքի ղեկավար Կարեն Եղիազարյանը զգոն լինելու կոչով դիմել է համայնքի բնակիչներին․ «Մեր քաղաքի Ամանորը, միևնույնն է, ամենալավն է լինելու։
Այս ժամերին, քանի դեռ քամին ուժգին է, զգոն եղե՛ք։ Մնացած բոլոր հարցերը լուծվող են, ուժեղ ենք միասին»,-նշել է նա։
