Սահմանամերձ բնակավայրերում տոնական միջոցառումները ոչ միայն ուրախություն են պարգևում տեղի բնակիչներին, այլև հանդիսանում են հստակ ուղերձ՝ ուղղված թշնամուն․ այս մասին գրված է Գորիսի համայնքապետարանի ֆեյսբուքյան էջում։
Սահմանամերձ Շուռնուխ գյուղում առանձնահատուկ օր էր։ Գորիսի համայնքապետարանը, «Բարի Մամա» հասարակական կազմակերպությունը և «Hayk for our heroes» նախաձեռնությունը միավորեցին ուժերը՝ գյուղի փոքրիկ բնակիչների համար անմոռանալի տոն կազմակերպելու նպատակով։
Միջոցառման ընթացքում երեխաները ստացան հատուկ նվերներ «Բարի Մամա» ՀԿ-ից, իսկ «Hayk for our heroes»-ի աջակցությամբ կազմակերպված մեծ հյուրասիրությունը վերածվեց իսկական տոնախմբության։ Սա ավելին էր, քան պարզապես նվերների բաշխում. այն դարձավ համայնքի միասնականության վառ դրսևորում։
Սահմանամերձ բնակավայրերում նման միջոցառումները ոչ միայն ուրախություն են պարգևում տեղի բնակիչներին, այլև հանդիսանում են հստակ ուղերձ՝ ուղղված թշնամուն. մեր գյուղերն ապրում և զարգանում են, իսկ համայնքի անդամները միասնական են` ուժեղ կամքով։
