Panorama.am-ը գրում է․ ՔՊ-ական պատգամավոր Արուսյակ Ջուլհակյանը երեկ ֆեյսբուքյան էջում լուսանկար էր հրապարակել Նիկոլ Փաշինյանի կողակցի՝ Աննա Հակոբյաի պատգամավոր եղբոր հետ ու գրել.
«Այսօր կայացավ սրտիկ անելու առաջին դասընթացը: Արդյունքն ակնհայտ է, բայց կա կատարելագործվելու տեղ»։
Օգտատերերը հիմնականում պատգամավորների հասցեին վիրավորանքի, հայհոյանքի ու քննադատության խոսքեր էին հնչեցրել՝ ի պատասխան Ջուլհակյանը սպառնացել էր դիմել դատարան։
Օգտատերերը հիմնականում Փաշինյանի թիմակիցներին ու աներձագ Հրաչ Հակոբյանին մեղադրել էին գողանալու, մեծ պարգևավճարներ ստանալու համար։
«Կյանքը որ վատ լիներ սրանց համար , Հրաչը 5000$ Tudor ժամացույց կհագնե՞ր »,-գրել էր օգտատերերից մեկը։
Panorama.am-ը փորձեց պարզել, թե ինչ ժամացույց է կրում Աննա Հակոբյանի եղբայրը։ Այն TUDOR բրենդի ժամացույց է, որը պաշտոնական կայքում արժե 4250 դոլար։
