ԱԺ-ում քննարկվում է «Ֆիզիկական կուլտուրայի և սպորտի մասին» օրենքում փոփոխություններ և լրացումներ կատարելու նախագիծը։ Առաջարկվող փոփոխություններից է նաև մարզասրահների մարզիչների արտոնագրման հարցը, որի կարևորության մասին խոսեց ԿԳՄՍ նախարարի տեղակալ Կարեն Գիլոյանը․ «Այսօր այս դաշտն անվերահսկելի է, ֆիթնես դահլիճների գերակշիռ մեծանմասնությունը որպես մարզիչներ աշխատանքի են ընդունել մարդկանց, ովքեր որևէ իրավունք չունեն աշխատել այլ մարդկանց հետ։ Քիչ չեն դեպքերը, երբ սխալ մարզելով՝ մարդկանց հաշմանդամ են դարձրել»,- ասաց Գիլոյանը՝ նշելով, որ երկրորդ ընթերցմանը նախագիծը կներկայացվի առավել մշակված տարբերակով։
